كم سؤال بس
مرحبا .... كيف الحال ؟
انا طالبة سنة ثاللتة عمارة ,,, بدي اكمل بهالجامعة ,,, سمعت انه الواحد ازا انتقل من جامعة لجامعة برجعوه سنة صحيح هالشي ,,, بدي اسأل كمان مشان معادلة المواد ,, يعني في مواد ما رح يعادلولي اياها على اي اساس ,,, ؟؟؟
و بجامعتي درسنا المواد باللغة العربية
حسب ما فهمت الدراسة بهالجامعة بالانكليزي هالشي بيأثر على المواد الي رح يعادلولي اياها ...
و في احتمال انه ما يقبلوني بالجامعة ؟؟؟
اخر شغلة ,, اتصلت اكتر مرة بالجامعة مشان استفسر بس بيطلعلي مشغول دايما ..
وشكرا مقدماً
رد: كم سؤال بس
أهلا وسهلا فيكي وإن شاء الله سيتم الإجابة عن جميع إستفساراتك بأقرب وقت ممكن
تم إرسال الأسئلة لطلاب الذين يعملون بالقبول والتسجيل في الجامعة فهم على أطلاع بمثل هذه الأمور بشكل أكبر
تمنياتي لك بالتوفيق
كــتــاب الله للأرواح روح .......... به تحيا النفوس وتستريح
تمتلأ القلوب بـه طموحـــاً .......... وللفردوس يحملها الطموح
يروح بهـا عن الدنيـا بعيدا .......... ومـا أسمـاه حين بهـا يروح
وإن يهمـس بآية منه ثغري .......... أحس العطر من ثغري يفوح
بـه أســـرار مـــا في الكــون .......... تبدو ما كوضوحها أبدا وضوح
رد: كم سؤال بس
اول شي اهلا وسهلا فيكي وانشالله بالتوفيق ...
تاني شي رح جاوبك على اسئلتك واحد واحد حسب معلوماتي ... وطبعا بزيارتك للجامعة رح يتوضحلك كل شي اكتر واكتر....
أكيد لأ ....أولا احنا ما منعتمد نظام السنوات بالدراسة .. وانما نظام الساعات المعتمدة ....(اذا بتحبي بشرحلك عنو )...انا طالبة سنة ثاللتة عمارة ,,, بدي اكمل بهالجامعة ,,, سمعت انه الواحد ازا انتقل من جامعة لجامعة برجعوه سنة صحيح هالشي
يعني انتقالك لعنا ودراستك رح تكون تبعا لموادك اللي نجحتي فيها بجامعتك .....وعلى اساسها بتكملي ....
بالنسبة لمعادلة المواد فهي رح تكون تحت اشراف لجنة مخصصة بالجامعة ....بدي اسأل كمان مشان معادلة المواد ,, يعني في مواد ما رح يعادلولي اياها على اي اساس ,,, ؟؟؟
وانتي لازم تجيبي كشف علامات موادك مع توصيف المقررات (يعني كل مادة شو بتاخدو فيها ) ... وعلى اساس هالشغلتتين رح تتحدد المواد اللي بتتعدل .....
مافي علاقة للغة ... المهم مضمون المواد تبعك نفس مضمون المواد تبع الكلية عنا .....وهاد بيتحدد من توصيف المقررات ....و بجامعتي درسنا المواد باللغة العربية
حسب ما فهمت الدراسة بهالجامعة بالانكليزي هالشي بيأثر على المواد الي رح يعادلولي اياها
وصلنا للنقطة الاهم ..... لانو اذا ما تحققت شروط القبول ما رح يسجلوكي بنوب ....و في احتمال انه ما يقبلوني بالجامعة ؟؟؟
اول شي بتمنى تحددي شو اسم جامعتك ..او على الاقل من ايا بلد....
لانو الشروط:
1- الجامعة المنقول منها معتمدة ومعترف فيها في بلد الدراسة وفي سورية ...
2-لا يقل معدل الطالب في الشهادة الثانوية عن المعدل المطلوب عنا ...
*** الجامعة المنقول منها غير سورية ***(54% للشهادة السورية وغير السورية _ 63% للشهادات الخليجية والعراقية )
*** الجامعة المنقول منها سورية ***(60% للشهادة السورية وغير السورية _ 70% للشهادات الخليجية والعراقية)
3-بما انك عمارة لازم بكون فرع الثانوية تبعك (علمي حصرا)..
4-ان تكوني ناجحة الى السنة التانية على الاقل ... او منجزة 25% من الساعات(في حال كان نظام جامعتكن نظام ساعات)...
5-بما انك عمارة لازم تجتازي امتحان قبول بالرسم ....
هي ارقام مقر الجامعة في درعا ....اخر شغلة ,, اتصلت اكتر مرة بالجامعة مشان استفسر بس بيطلعلي مشغول دايما ..
015-2050
015-860380
015-860381
015-860382
015-860383
وفي ارقام مكتب المزة
011-6625764
011-6626193
اخر شي بحب قللك ياه ... بالتوفيق انشالله .. واذا لقيتي انو الشروط بتنطبق عليكي ... وحبيتي الجامعة ..خبريني وبقللك على باقي الوراق المطلوبة ...واذا بتحبي بساعدك بس تيجي علجامعة .. واهلا وسهللا....واي استفسار تاني لاي شي ما فههمتيه عليي خبريني ....
التعديل الأخير تم بواسطة MoHaMmAd_K ; 03-07-2010 الساعة 06:59 PM
لا اله الا انت سبحانك اني كنت من الظالمين ...
ربي اغفر لي ولوالدي ... ربي ارحمهما كما ربياني صغيرا ...
lulu >>>>>>>سابقا
رد: كم سؤال بس
شكرا ...........المشاركة الأصلية كتبت بواسطة MoHaMmAd_K
رد: كم سؤال بس
ول شي اهلا وسهلا فيكي وانشالله بالتوفيق ...
تاني شي رح جاوبك على اسئلتك واحد واحد حسب معلوماتي ... وطبعا بزيارتك للجامعة رح يتوضحلك كل شي اكتر واكتر....
أكيد لأ ....أولا احنا ما منعتمد نظام السنوات بالدراسة .. وانما نظام الساعات المعتمدة ....(اذا بتحبي بشرحلك عنو )...
يعني انتقالك لعنا ودراستك رح تكون تبعا لموادك اللي نجحتي فيها بجامعتك .....وعلى اساسها بتكملي ....
هلأ في شغلة عنا مادة التصميم بترسب سنة كاملة اذا الواحد رسب فيها مشان هيك عم اسأل ازا برجعوني سنة ولا لا ...
اول شي بتمنى تحددي شو اسم جامعتك ..او على الاقل من ايا بلد....
جامعة الاتحاد الخاصة بسوريا ,,,
2-لا يقل معدل الطالب في الشهادة الثانوية عن المعدل المطلوب عنا ...
*** الجامعة المنقول منها غير سورية ***(54% للشهادة السورية وغير السورية _ 63% للشهادات الخليجية والعراقية )
*** الجامعة المنقول منها سورية ***(60% للشهادة السورية وغير السورية _ 70% للشهادات الخليجية والعراقية)
هي حسب ما فهمت بما انه رح انتقل من جامعة سوريّة ,,, لازم يكون 60 % بالنسبة لشهادة البكلوريا ؟؟؟( جنسيتي عراقية بس شهادة البكلوريا من سوريا اخذتها
5-بما انك عمارة لازم تجتازي امتحان قبول بالرسم ....
انا لما قدمت على جامعة الاتحاد عملولي امتحان قبول بالرسم ,,, ياخدوه بالاعتبار ولا مرة تانية لازم اقدم ,؟؟؟
اخر شي بحب قللك ياه ... بالتوفيق انشالله .. واذا لقيتي انو الشروط بتنطبق عليكي ... وحبيتي الجامعة ..خبريني وبقللك على باقي الوراق المطلوبة ...واذا بتحبي بساعدك بس تيجي علجامعة .. واهلا وسهللا....واي استفسار تاني لاي شي ما فههمتيه عليي خبريني
شكرا كتير الك ,,, وان شاء الله بس يصير معي شي بخبركن ,,
رد: كم سؤال بس
هلق بصراحة هي شغلة اللجنة ... هي المسؤولة عن كل شي معادلة مواد.... يعني فينك تيجي وتقدمي وراقك للجامعة وبعد اسبوع بالكتير بيردولك خبر اذا مقبولة ولا لا ... وهيك بيكون الجواب مضمون اككتر ....هلأ في شغلة عنا مادة التصميم بترسب سنة كاملة اذا الواحد رسب فيها مشان هيك عم اسأل ازا برجعوني سنة ولا لا ...
اي تمام ... ما دخل جنسيتك ... المهم جنسية الشهادة...هي حسب ما فهمت بما انه رح انتقل من جامعة سوريّة ,,, لازم يكون 60 % بالنسبة لشهادة البكلوريا ؟؟؟( جنسيتي عراقية بس شهادة البكلوريا من سوريا اخذتها
مممممم... هلق بظن انو ما بيعيدوكي ... مالي متاكدة بصراحة من نظام هالسنة ....انا لما قدمت على جامعة الاتحاد عملولي امتحان قبول بالرسم ,,, ياخدوه بالاعتبار ولا مرة تانية لازم اقدم ,؟؟؟
وعكل حال ... انا اللي حكينتو بيضل حكي نظري ... فينك تزوري الجامعة ... او تحكي علتلفون واطلبي قسم القبول والتسجيل..... وهنيك بيجاوبوكي افضل ....
واهلا وسهلا فيكي......
التعديل الأخير تم بواسطة Just4Art ; 05-07-2010 الساعة 08:50 PM
لا اله الا انت سبحانك اني كنت من الظالمين ...
ربي اغفر لي ولوالدي ... ربي ارحمهما كما ربياني صغيرا ...
lulu >>>>>>>سابقا
ضوابط المشاركة
رد مع اقتباس
