المادة المستحيلة في كلية الصيدلة

[feras_omm]

physical pharmacy:
الرجاء من مديري المنتدى ارسال الشكوى للجهات المسؤلة
هذه المادة لم ينجح فيها سوى بعض الطلاب
و كانت الاسئلة صعبة جدا جدا بحيث يصعب على الطالب ايجاد الحل
......!!!!!!!!!!!!!!!!!!!!!!!!!!!!!!!!!!!!!!!!!!!! !!
أنا الطالب (و.أ): تم نجاحي بشق الانفس, يمكن أن تكون دراستي غير كافية ولكن لا ينطبق هذا الشيء على أكثر من 150 طالب مسجل لتلك المادة
....

[realzezo]

شريك انا كنت اخد المادة متلك بصراحة كنت هيك فول متلك بالميد تيرم لانو علامتي كانت مو منيحة بس اكتشفت انو مادرست شي بالميد بس لما درست شوي بالفاينل كانت النتائج احسن بس مشكلة هل المادة انو فعلا بالعملي مابيعطو علامة متل العالم ومابخفيك انو اصعب مادة مرت علي بس شو رح نستفاد من الشكاوي انا الحمد الله نجحت بس بصراحة اكتر مادة خوفتني بس متل ماقلتلك حتى لو اشكتينا شو رح نستفاد شريك هية هية

[Aim]

اشكروا ربكم اذا كان عندكم مادة وحدة مستحيلة فعنا الكثير في كليتنا معلوماتية و بدون ذكر اسمائهم مشان ما حدا يخاف ( معروفين المواد ) ...
الله يعينا

[Kornet]

لك اخ على هالمادة ياشباب وصبايا والله انا زعلت عليكم كتير وقت سمعت انو هيك عم يصير معكم بس الكم الله.
لك انا اخدت هي المادة قبل بفصلين منكون وضربونا بالعملي بشكل غريب(ملاحظة هامة :كل مخبر بدرسكون في الدكتور(ة) نفسو تبع الفيزيكال نصيحة لاتتوقعو وتتأملو كتير )

بس عفكرة انا برأيي لسا ما شفتو شي كمان بالسنوات الجاية لانو الله يعينا
وهي لمحة عن كم مادة صعبين بنصحكم تشدو حالكم فيها منيح:
Pharmaceutical chemistry (مادة صعبة وحلوة بنفس الوقت)
Bacteriology (لسا ما اخدتا بس سمعت انو من اصعب المواد على الاطلاق والله اعلم)
Molecular biology (لازم تكون بلبل بالانجليزي خاصة لانو الدكتور تبعها الماني .بس صراحة انا عجبتني المادة)
Pharmacology (مادة ولا احلى منها وامتع منها بشرط تاخدها عند الشخص المناسب)
Haematology (هي المادة بحبوها البصيمة)

ومن كل قلبي بتمنالكم التوفيق .

[KAZANOVA]

هلاء القصة موهية بالشكاوي لان ما رح تجيب اي نتيجة ... وخصوصي هالمادة لان هية صعبة كانت وقت اخدتها من شي سنتين ... وخصوصي الدكتور تبعها كان معقدها كتير باسئلتوا
وحتى العملي يلي كان مستحيل تجيب ال 20 في الا بطلوع الروح بس نحنا بالميد زادو لكل الطلاب 5 علامات لان كان معدل النجاح فيها نازل بشكل فظيع .... بس بعد الميد جابولنا دكتورة كتير منيحة ومن ورا اسئلتها حسنا نرفع المادة الحمدلله
هلاء اذا انت كنت مقصر ... فما فيك تعمم هاد الشي ع كل طلاب المادة ... بس اذا عم تقول انو في اكتر من 150 طالب هيك ... معناها صفى في شي بالمادة ... والادارة اذا شافت هالنسبة هي ... اكيد رح تعمل شي ... واذا ماعملت بقى منشوف شو فينا نعمل

[Dark Girl]

والله الصراحة هي أغلظ مادة مرت عليي لأنو العملي مابيساعد بنوب والنظري معت فهي اكتر مادة خفت منها وكتير درست بالفاينال وطلعت غصب
على كل حال كل سنة كأنو بيصير هيك يعني أنا من أول دفعة تبع 2005 وكل دفعة اجت بعدنا اشتكوا منها مشان هيك الاعتراض وهالحكي مابيجيب نتيجة لأنو هية المادة معتة
بالتوفيق للكل ..
سلام

[بنت الشام]

والله من اغلظ المواد كانت
خاصة كان يعطينا ياها دكتور سلامتكم و دكتورة على اسلم واخلص
بس ترفعت والحمدلله
بس انتو يمكن نزار خوام الله يعينكم يا رب
انا كانت اول مادة باخدها عندو لهلدكتور هيي التجميل و الله لا يورجيكم
العالامات بالفاينل زفت ومو بس انا كل الطلاب
فالعلة مو من المادة العلة باللي بيعطي المادة
بعدين جايك مواد غييييييييييييييييييييييييييييييييييييير شكل
واهمها الكيميا الصيدلانية مع الدكتور س.ح. معروف مين
و البكتيريا و الصيدلة الجرثومية مع الدكتور المعروف بعطفه وووووووووو ع.ا.ع.
الله يستر
موفقين يا شباب

[بنت الشام]

صحي بحب خبركم انو الاعتراض لن يعطي ايتها نتيجة
او قلكم مبلا روحوا اعترضوا واعتصموا و ساوو يلي بدكم ياه قبلكم كانو اشطر يعني حضرتنا
يمكن يمكن تستفيدوا
انا ما حكيت شي ها
لاننا جامعة ديمقراطية جدا

[Dark Girl]

علا المصيفة شو دخل نزار خوام بهالمادة !!!!!!!!
يلي عم يعطيا هلأ هوة ع.م ماعطانا ولامادة نحنا

[Anouss]

هلئ باعتباري طاحش شوي عالخامسة و عندي شوية نواقص من التالتة و مخلص مواد الرابعة عندي صار خلفية شوي على المواد كلها

المواد الصعبة دائما اما بيكون الدكتور عقدها متل الفيزيكال أو بيكون المنهاج صعب و الله بيعينك اذا صادفت دكتور فايت بالحيط و منهاج صعب

الفيزيكال مو هالمادة يلي كتير صعبة بس دكتورها معقدها كتير و اذا استلمك نزار خوام المادة مع معراوي فصارت اضرب من البكتيريا

السوتيكال صعبة و هي مادة تبصيم

الباراسايت كمان صعبة و هي مادة تبصيم
أصعب مادة على الاطلاق هي البكتيريا دكتور معقد و مادة صعبة

سيدي بعينك الله
أنا نفدت من الفيزيكال بسي بلاي :)